• Circolo - Lia Mostra d'Ert

"Nvidia"

Mostra te vetrina "Nvidia" dl cunsëi dla Lia Mostra d’Ert

Dai 09.05 chin ai 17.05.2020 tla vetrines dla sala dla mostres dl Circolo/Lia Mostra d'Ert a Urtijëi sun Plaza S. Antone,

Giut sons bele a giajunn de manifestazions d'ert, de mpue de vivanda, de mpue de zeche che se muev, de zeche da jì a ti cialé te nosc luechde Urtijëi. Davia che l ne n'ie mo nia lascià pro de giaurì mostres y sales da espusizions al publich, se à la Lia Mosta d'Ert lascià tumé ite zeche d'auter y coche for vàl a una cun si ntenzion de descedé l spirt critich dla jënt.

Se tenian al decret dl guviern prejentéien perchël la manifestazion tla forma de na vetrina.

Per chëst ann ova la Lia Mostra d’Ert inò sun l program de mëter a jì na mostra dl cunsëi. La tematica metuda dant ie la "nvidia", che ie unida tëuta sot al udlon dai cumëmbri dl cunsëi y nterpreteda cun materiai y tecniches desferëntes, nce sce nia duc i cumëmbri dl cunsëi ne n'à, pervia dla normes che strenj ite i spustamënc, pudù unì adalerch cun si lëures.


N valgun pensieres che ugova da ispirazion fova:

"Cumpascion giàpen scincà, nvidia muessen se davanië", Robert Lembke.


"La nvidia ie la forma de recunescimënt plu senziera", Wilhelm Busch.


"La cumpëida de jënt che te à la nvidia desmostra ti capaziteies", Oscar Wilde.


"N valguni ne azetea nia na bona idea, mé ajache la ne n'ie nia la sia", Luis Buñuel.


"N ne uel nia mé vester cuntënc, n uel monce vester plu cuntënc di autri. Y chël ie tan rie ajache minon che i autri ie plu cuntënc che i ne n'ie per da vëira", Charles-Louis de Montesquieu.

"Sce n pudëssa tò la nvidia a tizé pona ne ëssen nia drë’ de cumpré gasuele te Gherdëina", dit de Gherdëina.

"Tl purgatuere vën i nvidiëusc straufei: si uedli ie cujii pro cun fiertrat, acioche i ne posse nia udëi i autri", Dante, Divina Commedia, Purgatorio, Canto XIII, 67-72.


Se fé n pensier n cont dl daunì

Daujin ala mostra te vetrina iel mo na scumenciadiva a pèr. L ie unì tacà ora na tofla, ulache n nvieia duc canc a scrì su n pensier, na resposta ala dumanda "Co te nmagines'a tu l daunì". I pensieres unirà tenii su y purtei dant te na proscima ucajion. Y ucajions n saràl chëst ann mo deplù – sperons – ajache la Lia Mostra d'Ert festejea chëst ann i 100 da canche la ie unida metuda su.



mostra_coletiva_2020_lad_deu_itadocx





0 views

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211