• Circolo - Lia Mostra d'Ert

"Nia mé maroca" - Pauli Moroder

Updated: Jun 18



paul_moroder_lad_deu_ita
.docx
Download DOCX • 39KB




Na mostra cun performance, mujiga, formes y paroles che uel mustré su n auter aspet dla maroca. La produzion de massa – cunseguenza de iniuranza umana. Na preduminazion che concuistea duta la cumenanza, nce sce la ne se rënd nia cont.

La perspetiva scura spidlea la destruzion dl ego, l sfrutamënt dla criazion – ajache n singula persones à na finalità sparcantona y na cumprenscion narcisistica dl pudëi.

L mur ilusionistich muessa unì batù ju per de destanzië dala tirania, per arjonjer n pont d’ududa nuef. La reurganisazion dl mond cun n sentimënt de vita uman y recunescënt.

L curaje per l scumenciamënt nuef, per l mudamënt – uniun possa judé pea cun si forza.

PAUL MORODER

L scultëur, nasciù tl 1964 a Urtijëi – Gherdëina, viv y lëura a Urtijëi. Cun 15 ani al scumencià a lauré tla berstot dl pere, l scultëur academich Enrico Moroder Doss. Tl medem mumënt fajova Paul Moroder nce la Scola d’Ert a Urtijëi. Do la furmazione te Gherdëina àl studià doi ani alalongia tl USA. L à fat pea pra truepa mostres coletives y persuneles tla Talia, Germania, Austria, Svizera y ti Stati Unii. Paul Moroder à proietà plu auteresc te catedreles, cunvënc, dliejes y capeles, ma si lëures artistics vëniel nce tratà tematiches profanes. I materiai cun chëi che ël lëura ie lën, bront, sas y scipa.

NOTHING ABOUT TRAINS

La mujiga che Marion Moroder y Andreas Mayr Kondrak mët adum conta de sentimënc, esperienzes de vita y pensieres. Cun chitares, doi ujes y n tlavier se mpëni a trasmëter chësc a chëi che scota su. La parola tle de si mujita ie “pascion“.





3 views

© 2019 by Circolo - lia mostra d'ert

  • Facebook Clean

Antoniusplatz 102, 39046 St. Ulrich / Urtijëi (BZ)

tel. +39 377 5936350 / info@circolo.eu / StNr. 94025820211